Txupinazoarekin batera hasiko dira 2026ko Sanferminak, baina jaiak ez dira egun batetik bestera antolatzen. Hilabeteetako prestaketa, koordinazioa eta antolakuntza behar dira bederatzi egunetan ehunka kultur ekitaldi aurrera ateratzeko.
Iñigo Gomez Iruñeko Kultura zuzendariak azaldu duenez, aurtengo programak adin eta publiko guztientzako jarduerak bilduko ditu. Kontzertuak, kale ikuskizunak, haurrentzako ekitaldiak eta kultur proposamen ugari izango dira uztailaren 6tik 14ra bitartean, hiriko auzo eta plaza ezberdinetan.
Elkarrizketan, Sanferminen antolakuntzak eskatzen duen koordinazio lanaz, programaren berrikuntzez eta jaien izaera herrikoiaz aritu da.