Hizkuntza berriak ikasteko, titulazio ofiziala lortzeko edo hizkuntzez gozatzeko aukera eskaintzen du Iruñeko Hizkuntza Eskola Ofizialak. Aurten bost hizkuntza ikasi ahal izango dira: euskara, ingelesa, alemana, frantsesa eta italiera.
Iruñeko egoitzaz gain, Nafarroako Hezkuntza Departamentuak Lizarran hedapen bat gaitu du. Bertan euskara eta ingelesa eskaintzen dute, maila eta ordutegi ezberdinetan. Ordutegi eta modalitate gehiago eskaintzen dituzte, ahalik eta jende gehienarengana egokitzeko. Hizkuntza bat ikasteak jarraikortasuna eta motibazioa eskatzen duela gogorarazi du Santi Leonek, eta horretarako zenbait gomendio ere eman ditu.
Aurretiko izen-ematea gaur, ekainaren 22an, ireki da eta irailaren 20ra arte zabalik egongo da. Informazio guztia: https://eoip.educacion.navarra.es/eu