Azken urteetan elikaduraren inguruko diskurtsoa nabarmen aldatu da. Gaur egun, proteina kontsumoaren garrantzia azpimarratzen duten mezuak nagusitu dira sare sozialetan zein supermerkatuetako apaletan. “High protein” etiketadun produktuak ugaritu dira, eta joera hori haragi kontsumoaren gorakadarekin lotuta dago.
Honekin batera, elikadura hautuak politikoak direla azpimarratu du Helenak. Barazkiak, frutak, lekaleak eta gertuko produktuak aukeratzeak ez du soilik osasunean eragiten; ekoizpen eredu bat, animalien eskubideak eta ingurumena babesteko modu bat ere bada. Zentzu horretan, enpresa handien marketin kanpainek eta komunikabideetan oihartzuna duten diskurtsoek unean uneko interes ekonomiko eta estetiko zehatzei erantzuten dietela ohartarazi da.