Umorea eta inprobisazioa ardatz dituen emanaldia da Punpairez eta bakarrizketak, elkarrizketak, musika eta beste hamaika kontu uztartzen ditu. Eta izenak berak iradokitzen du saioaren nondik norakoa Antonio Iriarte zuzendariaren ustez. "Euskaltzaindian ordez, 'Euskitzetzaindian' agertzen da hitza", azaldu du Iriartek. "Jotzeko era arraroa, azkarra eta bat batekoa da", gaineratu du.
Eta hain zuzen bat batekotasun hori bilatzen dute ikuskizunean. Oholtza gainean, June Gabarain musikan, Xabier Olanok lagunduta, Maria Blanco aurkezle, Xabin Fernandez bazterrak nahasten publiko artean eta Antonio Iriarte zuzendari eta bakarrizketatzaile.
Martin Ziriza musikaria izango dute gonbidatu igandeko saioan eta sorpresak ere dituzte esku artean Iriartek aurreratu bezala. Igandean beraz, arratsaldeko 19:00etan Nafarroako Antzerki Eskolan izango da emanaldia.