Kondestablearen jauregian, gaur arratsaldeko 19:30ean ‘Bizi sintetikoak’ emanaldia egingo dute Leire Vargas idazle, bertsolari eta itzultzaileak, eta Jaime Nieto musikariak. Poesia errezitaldi musikatua baino gehiago ere badela zehaztu du Vargasek.
Errezitaldian gainera, bizi dugun egoera soziopolitikoa aztertuko da, denoi eragiten diguten gatazketatik hasi eta belaunaldi gazteenen egoera zehatzetaraino. Vargasen kezka pertsonalek abiatuta idazten du eta hautatzen ditu ahozkorako hitzak eta halaxe egiten dio erreferentzia izenak ere.
Erronka bat ere bada poemak oholtzaratzea: “Liburuko poemak irakurriak izateko daude idatzita. Eta horrek desberdintasun handia markatzen du, eskatzen dutelako pausa bat, eta agian ez delako erraza entzunez jasotzea esan nahi duen guztia”, zehaztu du idazleak.