Txantreako jai txikiak ospatuko dituzte asteburu honetan eta haiekin batera, auzoko krosa antolatu da, 33. aldiz. Abenduaren 13an izango da. Helduentzako saioa eguerdian hasiko da eta 8 kilometroko ibilbidea izango du. Azkeneko bi urteetan ibilbidean aldaketak egin eta gero, Beloso aldapako obren ondorioz, aurtengoan ohiko ibilbidera itzuliko da. Berehala agortu ziren helduentzako antolatzaileek atera zituzten 650 dortsalak. Eta egun gutxietara sarrera gehiago atera eta gero, hauek ere azkar bukatu ziren. Iratxe Barguilla antolatzaileak dei egin du jendeari krosera gerturatzera eta giroaz gozatzera. “Dortsalik lortu ez dutenak animatzen ditugu lasterketa ikustera eta sortuko den jai giroaz gozatzera”.
Txikien lasterketa goizeko 10:30ean hasiko da eta izen ematea ordu bat lehenago irekiko da. Ume kopuruaren eta adinaren araberako kategoriak antolatuko dira. Eguerdian abiatuko da Irubidetik nagusien lasterketa.
Iratxe Barguilla Irrintzi Plazara hurbildu da Txantreako Herri Krosaren inguruko informazio guztiaren berri ematera.