Arreta Goiztiarreko Zerbitzua garapenean nahasmendua duten edo izateko arriskua duten 0 eta 3 urte bitarteko haurrei eskaintzen zaizkien prebentzio, ebaluazio eta esku-hartze jardueretara bideratutako zerbitzua da; eta bertan egiten dute lan Edurne Arana eta Anjel Astizek.
ANARASD elkarteak urteak daramatza psikologo eta psikiatrekin lankidetzan Aljeriako errefuxiatuen kanpamentuetara bidaiatzen. Eta bidaia horietan ikusi izan dituzte zeintzuk diren gabeziak. Ikastetxe arruntak daude, baita hezkuntza berezikoak eta zentzumen-arazoak dituzten haurrendako ere.
Baina zailtasun handienak dituzten haurrek jasotzen duten laguntza bakarra gizarte-laguntzaileena da eta bakarrik bost urtetik aurrera jasotzen dute laguntza hori. Hartara, proiektua hau martxan jarri zuten eta egunerokoan txikiekin lan egiteko tresnak elkarbanatu dituzte. “Arreta goiztiarra baloratzen da beste modu batez, betiere baloratzen bada”, azaldu dute. Eta hain zuzen, “berandutze horretan galtzen dira aukera asko eta konplikatzen zaizkie kasu asko”.
“Probisionalki daude antolatuta, baina betirako; 50 urte daramatzate egoera probisional horretan”, eta haien bizimoduarekin aurrera jarraitu behar dutela azaldu du Astizek. 24 orduko bidaiaren nondik norakoak, antolakuntza “kaotikoa baina antolatuta”, hirien itxura, sartzeko neurriak eta kanpamenduen egungo egoera izan dute hizpide Aranak eta Astizek. Proiektuarekin aurrera segitzeko konpromisoa erakutsi dute biek ala biek, dena den, haien esku ez dagoela nabarmendu dute; aldeko asmoa erakutsi dute halere.