Bidane Atxak hogeita bi urte daramatza billabesak gidatzen. TCC enpresako langileak otsailetik ari dira grebak egiten. Autobusaren 7. linea hartu dugu Donibane auzoan, elkarren ondoan eseri gara, eta Barañain herriraino iritsi gara. Iruñerriko Mankomunitateak hiri garraioaren kudeaketa publikoa egin beharko luke. Hala dio Atxak. "Interes pribaturik gabe zerbitzuaren kalitatea eta lan baldintzak bermaturik leudeke".
Bidane Atxa gidariaren esanetan, langileen baldintzak asko hobetu behar dira: soldatak, ordutegiak, ibilbideak. Baina ez hori bakarrik. "Autobus berriak behar dira. Billabesa gehiago behar dira. Gidari gehiago behar dira". Erabiltzaileen kopurua asko handitu da baina zerbitzua ez da neurri berean garatu. Billabesa gidariak dioenez, hiri garraioa erakunde publikoek finantzatu eta kudeatu beharko lukete.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.