Azaroaren 15ean eta 16an, Nafarroako Unibertsitate Publikoan Natur Zientzien VI. Topaketa ospatuko da, UEUko Natur Zientzien saila eta Euskal Natura elkarteak antolatuta.
Antolatzaileek hainbat galdera erantzun nahi dituzte aurtengo jardunaldian: “Gizartea etengabe ari da garatzen, eta ingurumen zientzietan ere nabaritzen da hori. Eragina onuragarria ala kaltegarria izango al da? Natur zientziak teknologia berrietara ongi egokitzen ari dira?”. Teknologia berrien aplikazioak, ikerketak, oztopoak eta erronkak ezagutzeko asmoarekin antolatu dute topaketa.
Izena emateko epea azaroaren 7a arte egonen da zabalik, UEUren webgunean edota www.nztopaketa.eus atarian; eta parte-hartzaileek jardunaldian agertzeko posterrak azaroaren 10a arte aurkeztu ditzakete.
Irrintzi Plaza saioan Mikel Etxeberria Okariz, UEUko natur zientzietako sailburu-kidea eta Euskal Naturako kidearekin hitz egin dugu.