Beratzen podkastaren lehenengo ataleko luxuzko gonbidatuak Ion Celestino eta Sagrario Aleman izan dira, eta euskararen eta kulturaren arteko harremanaz hausnarrean aritu dira mikrofono arrosen beste aldean: zer da euskal kultura? Zer da kultura, eta zer da ‘euskal’? Galdera handiegiak, akaso, lehenengo atal baterako? Lasai entzule, honetarako eta gehiagorako tartea izanen dugu eta. Eseri, hartu edateko zerbait, eta gozatu saioaz. A, eta jarri garbantzuak beratzen, mesedez!