Bizikleta bidaien zale sutsua da Raul Imaz. Eta azkeneko hilabeteetan erronka handi eta ederra izan du: Ameriketako Estatu Batuetan sakabanatuta dauden Euskal Etxeak bizikleta bidaia bakar batean lotzea. Maiatzaren lehenean hasi zuen bere abentura zirraragarria Imazek Los Angelesen, eta helmuga Idahoko Estatuan dagoen Boiseko euskal jaialdia izan zuen. Bost urtetik behin ospatzen da eta Ameriketako Estatu Batuetako euskal komunitatearen bilera handiena dena.
Guztira, 4.300 kilometro baino gehiago egin ditu bizikleta gainean, mendebaldeko Euskal Etxe guztiak lotzen. Guardasola saioan izan dugu Raul Imaz esperientziaren berri ematen.