Sanfermin gazi-gozoak izaten ari dira neurri batean Erraldoi eta Buruhandien Konpartsako kideentzat. Izan ere, aurten Mari Ganuza eta Jesus Mari Viguiristi ekarri dituzte gogora, “konpartsako bihotza eta arima joan dira”. Data berezia dira sanferminak eta une askotan oroitarazi dituzte.
25 enstegu inguru egiten dituzte aste santutik aurrera eta entseguak bukatzear daudenean erraldoiak jantzi eta txukuntzen dituzte festarako prest izateko.
Egunero egunero kalera ateratzearekin pozik agertu dira dantzariak, hala ere, gogora ekarri dituzte sanferminetako ohiko gatazka eta pasarteak. “Gurasoentzako arauak beharko genituzke”. Aulkitxoen kontua betikoa da: “gurasoek pasa nahi dute, eta guk ere, baina lehentasuna izan beharko genuke; batzuetan momentu bortitzak bizi ditugu eta arriskutsua izan daiteke erraldoientzat”.
Udaletxeari ibilbidea bidaltzen diote garbiketako langileekin ahal den heinean topo ez egiteko, pankartak ere non jarri daitezkeen aztertzen dute, baina arriskuak arrisku, erraldoiak dantzan jartzen dituzte edozein txokotan.