Kantu eta Hitza musika zikloaren barruan Mirua taldearen txanda izango da gaur, ekainak 12, O plazan. Maitane Iruiñ, Mattin Zeberio eta Malentxo Zeberiok osatzen duten hirukote tolosarra igoko da taula gainera bere azkeneko diskoa, Miruenea, aurkeztera. 2019an sortu zen taldea, baina hau da bere estreinako lan luzea, 3 urte luzeko lanaren fruitua. Euskal doinuak eta folklorea eta pop doinuak uztartzen dituzte lanak dituen 11 abestietan. Oso estilo desberdinetakoak. Soinu probak egitera joan aurretik Irrintzi Plazara hurbildu zaigu Mirua taldeko hiru hanketatik bat, Malentxo Zeberio.