Joan den asteburuan Sanduzelaiko bizilagunek hasiera eman zioten Iruñeko auzoetako jaien egitarauari. Atseden hartzeko denborarik gabe, apirilaren 28an, Txantreak hartuko du lekukoa eta maiatzaren 4ra arte jai egitarau oparoa antolatu du Jai Batzordeak. Urte berezia da auzo langile honentzat. Izan ere 75 urte betetzen ditu eta urteurren berezi hori ospatzeko ere hainbat ekitaldi ari dira antolatzen, tartean irailaren 6an egingo den urtebetetze jaia.
Irrintzi Plaza saioan, Iñigo Satrustegi, Txantreako Jai Batzordeko kidea gonbidatu dugu jaien egitaraua errepasatzeko.