Tapia eta Leturiaren Compostelako Erromesa abestiaren bertsioa egin du Maruxak taldeak. Eta talde trabestiaren hurrengo showa izango denaren aurrerapena da: 'Folklore trabesti'.
“Eskatzen genien haiei mugak jartzea” eta Tapiak eta Leturiak ez dute inolako mugarik jarri, azaldu dute taldekideek. Autotunea, erritmo bizia eta egungo garaietara egokitutako letra duen abestia izan da askatasun artistiko horren emaitza.
Jai-giroaren egoeraz eta Maruxak taldeak horretan izan duen eragin eta ibilbideaz hausnartu dute taldekideek. Tradizioa, folklorea eta modernitatea mintzagai, ‘Folklore trabesti’ show berriaren zertzelada batzuk ere aurreratu dituzte.
