Donostiako Zinemaldiak, Euskadiko Filmategiak eta Donostia International Physics Centerrek antolatzen duten Zinema eta Zientzia zikloak emanaldi berri bat ekarriko du bihar Iruñeko Golem zinemetara. Everything Everywhere all at once (Dena batera leku guztietan aldi berean) Daniel Kwan eta Daniel Scheinerten 2022ko lan saritua izanen da euskarazko azpidatziekin emanen den azken filma zikloaren edizio honetan, multibertsoa irudikatzen duen zientzia fikziozko filma. Filmaren ondoren, Javier Aizpurua Basque Quantum ikerketa zentroko zuzendariarekin hitz egiteko parada izanen da.
Aizpuruaren aburuz, filmak proposatzen duen panorama fizkioaren alorrean gelditzen da oraindik, nahiz eta multibertsoaren eta aldi berean plano askotarikoetan garatzen den errealitate anitzen hipotesiak Steven Hopkins bezalako zientzialari handien babesa badaukan. "Fisika kuantikoaren arabera, frogatua dagoena materia kuantikoa bai, existitzen dela da". Zientzialariak teknologia kuantikoaren alorrean eman diren urratsen berri eman digu, eta etorkizun hurbilera begirako aukerak ere aipatu dizkigu.
