Eneko Olzak ‘Trabajo Sucio’ liburua idatzi du. Nafarroako hiriburuan kokatzen da nobela beltz hau. Garaiko egoera soziala eta politikoa etengabe ageri zaigu eleberrian: intsumisioa, poliziaren bortizkeria, asteburuetako istiluak, erresistentzia, kartzelaren gordintasuna, lagun arteko harremanak. Egile iruindarrak gertutik ezagutu zuen errealitate hura. Metropoli Forala saioan izan dugu liburuaz solasean
‘Trabajo Sucio’ eleberrian Unai dugu protagonista. Bere bizitza berregiten saiatzen ari da. Intsumiso izateagatik zigorra bete du kartzelan. Kalera irteterakoan egoera larrian ikusten du bere burua. Enpresari aberats baten etxean egindako erasoaren bitartez bere arazoak alde batera utzi nahi ditu. Gauzak okertuko dira eta ihesean joan beharko du gazteak. Liburua 'Txalaparta' argitaletxeak plazaratu du.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
