Txantreak 75 urte egin ditu. 1950ean hasi ziren Iruñeko periferiako auzoa altxatzen. Nafarroako eskualde ezberdinetatik eta Espainiatik heldutako hainbat lagun bildu ziren bertan. Auzolanean aritzen ziren, sarritan. Komunitate izaera horri eutsi dio auzoak. Imanol Satrustegi eta Nerea Perez Ibarrola NUPeko historia ikerlariak dira. Biak ala biak txantrearrak. Metropoli Forala saioan izan ditugu.
Txantrea 1960. urtetik aurrera garatu zen bereziki. Bertako biztanle askok Iruñerriko enpresatan egiten zuten lan. Elkartzeko esparru asko zabaldu zituzten: parrokiak, peña, piszina, Auzotegi elkartea. Gainera, herri mugimendu indartsua izan da Txantrean. Gaiaz sakon aritu gara NUPeko bi ikerlariekin.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.