Amaia Alvarez Uria ikerlariak emakumeek historiari ale bat gehitu dio bere azken ikerketarekin. Zuzi iraxegia. Euskal emakume idazleak eta literatura klasikoa izenburupean, XIV mendetik XX mendera bitartean egondako emakume idazleen antologia osatu du. Ostiralean aurkeztuko du liburua Karrikiri euskal dendan, Imma Erreak lagunduta.
Liburuaren asmoa Herstoria deritzona zabaltzea da, hau da, emakumeak historian egin dituzten ekarpenak eta izan duten rola ezagutzera ematea. Izan ere, euskal literaturaren iraganean arakatuz gero, emakumeak egon badaude, izan idazle, kantari edo kontalari, egileak azaldu digun moduan.
Historiaren diskurtsoa eraikitzen eta idazten jarraitzeko beharra azpimarratu du egileak, aurrekoengandik jasotako narrazioa aurkikuntza berriekin eta begirada garaikideekin moldatuz, liburuaren izenburuak dioen bezala, “zuziak irazekia, piztuta, jarrai dezan”.
