Euskal Herriko aizkolaririk hoberena da. Berriki, hirugarren txapela irabazi du bere markarik onena lortuta. Aizkolariak beren kabuz aritzen direla adierazi digu: saioak antolatzen, babesleak bilatzen, egurra biltzen. Aizkoraren munduan oinarri sendoak eta sareak sortu behar direla nabarmendu du. Pilotak izan duen ibilbidea jarri du adibidetzat Metropoli Forala saioan egin diogun elkarrizketan.
Bost urte zituela moztu zuen lehen enborra. Duela gutxi, Nafarroako txapela ere lortu du. Hamargarrena. 27 urte ditu. Otsagabian sortu eta bizi da. Nahiz eta kirol gogorra izan eta laguntza handirik ez egon itxaropentsu dago gero eta gazte gehiagok praktikatzen dutelako herri kirol hau.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
