160 orrialdeko liburu honetan Fermin Erbitik Iñaki Perurena leitzar polifazetiko eta aldeaniztunari elkarrizketa luze eta sakona egin dio. Perurena, harakina, abeltzaina, aktorea, bertsozalea, historia-zalea, eskulturagilea… baina batez ere harri-jasotzailea, akaso Euskal Herrian izan dugun harri jasotzailerik ezaguna. Liburuaren bigarren zatian berriz, lagun eta ezagunen testigantzak jasotzen dira, Iñaki Perurenaren erretraturik osatuena osatzeko, besteak beste, Itziar Alduntzin, Gaizka Aranguren, Nerea Agirre, Iñaki Sagredo edota bere alaba Maiteren hitzak eta bizipenak jaso dira.
Asteazken honetan liburua aurkeztuko dute Hizkuntza Eskolako Areto Nagusian. Asteazkenean, abenduaren 11n izango da, arratsaldeko 19:30ean.
Irrintzi Plazan Fermin Erbiti egilearekin eta Iñaki Perurena elkarrizketatuarekin hitz egiteko aukera izan dugu eta Harria bidelagun liburuan luze eta zabal aritu gara.
