Barbieak bezain polifazetikoak eta askotarikoak dira Sonny Angelak. Fenomeno biral gisa finkatu dira eta aurpegi famatu eta ez hain famatuak ikusi ditugu sareetan panpintxoa sakelakoaren atzealdean daramatzatela. Ume itxurako panpina txiki horiek beren jatorria gainditu dute, dagoeneko ez dira soilik jostailuak, pop kulturako ikono bihurtu dira.
Hala ere, horren berria ez den pop kulturako beste ikur bat ere izan dute mintzagai Otaegik eta Rubiok: RuPaul’s Drag Race. Hamaika kategoriatan lehiatzen dira drag partaideak karaokea, jostea, makillatzea, antzeztea, esketxak… Hauek ere, Barbieak bezain askotarikoak izaten dira. Talentuaren konkista egiten du RuPaul 90eko hamarkadako drag erregina ospetsuak. Garai hartatik gaurdaino ez da takoi garaietatik jaitsi eta inperio oso bat sortu du.
