Itsasoa zaintzen duen farozain batek bere largabistetatik begiratzeko gonbita egiten zaio irakurleari Itsasoa bete urre liburuan. Dani Martirenaren testuak eta Ana Ibañezen marrazkiak biltzen ditu etiketei ihesi egin nahi dien liburu honek
Itsasoa ederra da, bete urre dago, baina bizi hobe baten bila datozen migratuen drama ere ekartzen digu olatu artean. Haur eta gazteentzako liburua bada ere, helduagoekin partekatzeko gonbitea luzatu du egileak, aberasgarriagoa izango delakoan.
Dani Martirenaren aburuz “liburua poetikoa da testu eta irudietan, baina baita politikoa ere. Baina ez da morala”. Irudiak hitzei gailentzen zaie. Urre beteriko Itsasoan zehar egindako bidaian oinarrituta, irudi eder eta abstraktuen bitartez, emigrazioaren errealitate gordinera hurbiltzeko aukera ematen duena.
Irrintzi Plazan Dani Martirena elkarrizketatu dugu Itsasoa bete urre bere liburua berriaren inguruan.
