Azaroaren 14an dastaketa konbinatua antolatu du Geltokik. Burgitik Xorta Garagardotegiaren lagunak hurbilduko dira, Nafarroako Pirinioetan egiten dituzten artisau garagardo barietate guztiekin. Etxarriko Bikain gaztandegiko Idiazabal gaztekin partekatuko dute protagonismoa.
Azaroaren 22an berriz Gastroshow berri bat antolatu dute, afaria eta ikuskizuna uztartuko dituena. Caleidoscopicas hiru artista iruindarren proiektua da, eta hiru diziplina artistiko biltzen ditu ikuskizun berean: idazketa, kantautore musika eta bodypainting-a (azalean aplikatutako pintura artistikoa).
Irrintzi Plazan Amets Aznarez Geltokiko kultura programatzailearekin mintzatu gara.
