Hona hemen Donostiako Beldur astearen gure bigarren kronika. Oraingo honetan, igandetik ortzilarera bitarte ikusi genituen filmak izanen ditugu mintzagai: umore beltza, deabruak, kristau damutuak, S sailkapeneko filmak, herri txikietako mamuak... Denetarik ikusi dugu egun hauetan, eta, mingainak ongi zorroztuta, zer gustatu zaigun eta zer ez zaigun gustatu kontatzeko asmoz heldu gara.
Zinema fantastikoari buruzko podcasta, Santi Leonek eta Jaume Gelabertek gidatua, Konpainia Karrikako Iruñeko Hizkuntz Eskola Ofizialaren Raibabel estudioan grabatua, Euskalerria Irratiarekin elkarlanean sortua.
