Eraso sexistak izaten ari dira eta peñak ere salatzeko egonen gara. “Ahal dugun guztia egiten dugu dugun bozgorailuarekin gertatzen dena salatzeko”, eraso sexistak ez ezik Palestinako herriaren aurkako genozidioa ere salatzeko prest agertu dira peñak.
Hamasei peña dira guztira federazioan eta kolore askotarikoak dira. Hartara, peña gehienetan mahai gainean dago zezenketen auzia; eztabaida zabalik dagoela adierazi du Arjolek. “Gaur egun, arratsaldean giroa dago Alde Zaharrean, peñan egunero dugu proposamenen bat”, nabarmendu du. Gaineratu duenez, “lehen, zezen plazatik kanpo ez zegoen horrenbesteko girorik”.
