Iruñeko Udalak antolatzen duen Kantu eta Hitza zikloak aurrera jarraituko du gaur, Esanezinen kontzertuarekin. 20:00etan abiatuko da emanaldia O-ko Andre Mariaren plazan. Ianire Aranzabek (Altzagarate, Gipuzkoa, 1999), Esanezinen atzean dagoen musikariak, argitu moduan, 2023 amaieran plazaratutako Erretratu bat azken diskoaren abestiak izanen dira oholtzaratuko dituenak, lehenengo diskoko ale batzuk ere joko dituen arren. Bigarren lan honekin, Esanezin proiektuak jende gehiagorenganaino iristea lortu duela nabarmendu du Aranzabek: "Harrera ona izan duela sentitzen dut, eta gauza oso politak sortzen ari dira diskoaren harira".
