Asteazken goizalde honetan hasi da udaberria. Neguaren balantzea eta primaberaren aurreikuspena egiteko Peio Oria, AEMET-Nafarroako meteorologoa eta Mikel Lasarte, Ilundaingo Baserri Eskolako eguraldi gizona izan ditugu Metropoli Forala saioan. Haien esanetan, negu beroa izan dugu eta hasi den urtaro berriari ere tankera berdina hartzen diote.
Peio Oriaren esanetan, “tenperatura altuak nagusitu dira azken hiru hilabeteotan baina horrekin batera giro hezea ere izan dugu”. Hasi berria den urtaroan euri gutxi eginen duela iruditzen zaio. Mikel Lasarteren ustez, “azken urteotan izaten ari garen eguraldiak, aldaketa klimatikoarekin lotura zuzena izan dezake”.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
