Nafar Ateneoak antolatuta, gaur arratsaldean, 19:30ean, Mirentxu Purroyren Denboraren gibelean filma emanen da Iruñeko Kondestablearen jauregian. Frankok boterean 20 urte zeramatzan garaian kokatzen da zinemagile iruindarraren filma, Anabel Arraiza aktoreak kontatu digun moduan: "Jazarpen garai batera garamatza, 1953ko Iruñea horretara". Filmak haur talde bat erakusten digu, gerran garaituak izan ziren horiek seme-alabak; eta hauen egunerokoa alaitzen eta musikaz betetzen saiatzen zen protagonista bat: Klara andereñoa.
