Aste honetan, Tailandiaraino joan gara. Merezi izan al du bidaiak? Dudarik gabe. Bi film ikusi ditugu, The Whole Truth (Wisit Sasanatieng, 2022) eta Home for Rent (Sophon Sakdaphisit, 2023). Lehenak hotz utzi gaitu, baina bigarrenarekin nahiko ongi pasatu dugu. Mamuak, sektak, familietan ezkutatzen diren sekretuak... Osagai horiekin zopa ona izaten da normalean, edo jateko modukoa bai bederen.
Zinema fantastikoari buruzko podcasta, Santi Leonek eta Jaume Gelabertek gidatua, Konpainia Karrikako Iruñeko Hizkuntz Eskola Ofizialaren Raibabel estudioan grabatua, Euskalerria Irratiarekin elkarlanean sortua.
