Jazz laukote klasikoa, off ahotsa, proiekzioak, eta batez ere, mitologia eta folklorea daude Mikel Olkoz musikariak sortu duen Eguzkilore proiektuaren gibelean.
Kontserbatorioan Jazz ikasketak egin zituen Olkozek, eta pandemia garaiak bultzatuta bere betiko beste zaletasun bati heldu zion. Jazz musika eta mitologia uztartzeko bidea topatu zuen: Eguzkilore.
Proiekuak zazpi kantak osatzen dute, alde batetik, sei jainko eta jainkosa, eta bestetik, eguzkilorea, ikuskizunaren ardatz eta leitmotiv-a. Izan ere, Eguzkiloreren kondaira kontatzen du zazpi musika piezekin, iluntasunetik argirantz egiten du emanaldiak, kondairak berak bezala; “deskripzio musika” dela azaldu du Olkozek.
Emanaldia gaur arratsaldean eginen dute Zizur Nagusiko Kultur Etxean, arratsaldeko 20:00etan. Baina, ikuskizuna ez ezik zazpi pertsonaia mitologikoekin osatutako diskoa ere kaleratuko dure datorren astean. Diskoko hiru abesti izateko aukera izan dugu primizian, Metropoli Foralean.
