Pozik eta harridura pixka batekin jarraitzen du Itziar Ugarte (Oñati, Gipuzkoa, 1995) kazetariak jasotzen Gu gabe ere bere lehenengo poesia lanaren inguruan iristen zaion feedback-a. Aste honetan bertan Nafar Ateneoaren eskutik irakurle talde batekin biltzeko parada izan du egile oñatiarrak, duela lau urte plazaratu zuen liburua berreskuratu eta berrikusteko baliatu duena. Poema horiek oraindik ere hurbilekoak sentitzen dituen arren, bere burua orduko leku horretan kokatzea kosta egiten zaiola onartu digu, lan hori idazterakoan zuen "inozentzia" punttu hori galdu baitu.