Egungo goi-mailako kultura ikuskizun erraldoia da, sektoreko erakundeek antzeztua. Berehalako eta etengabeko kontsumorako interesguneak diseinatzen baitituzte. Ikusleei, kontsumitzaileei alegia, mapa eskuan, arreta nora bideratu esaten zaie ikuskizunaren parte sentitzen diren bitartean.
"Argazki-bilduma" izatera mugatutako kultura bultzatzen dute egun erakundeek eta politikek. Etengabeko ikuskizuna bilatzen da arteak eta kulturak oro har sortu behar duen zirrara eta kritikotasunari tarterik utzi gabe; kulturaren 'Disney-fikazioa' aipatu du Ugartek.
Erakusketa murgiltzaile edo interaktiboa zein bideo mapping ikuskizunen atzeko estrategia komertziala, zein da? Gogoetarako tarterik ez dagoela salatzen du Ugartek, "ikuskizun hutsa da bultzatzen dena". Bada, artistekin biltzea gomendatzen digu Oskia Ugartek.
