Grindr, Tinder, Badoo, eDarling, Meetic, Kaixomaitia.eus... Hamaika dira jendea ezagutzeko eta espresuki ligatzeko aplikazioak. Ligatzeko kode berriak eta harremanak sortzeko beste moduak zabaldu dira sarean. Lotsa galtzeko eta askatasuna zabaltzeko tresna dira ligatzeko aplikazioak. Baina, betiere, bi noranzkotan joan daitezke arrisku eta askatasunen arteko muga topatzen ez bada.
Aplikazioen funtzionamendua, kodeak, erantzukizun afektiboa, arriskuak, onurak, eta noski, estigmak izan ditugu hizpide Rubiorekin. Eta zuk, zer iritzi duzu ligatzeko aplikazioen inguruan?
