10.000 kilometroko bidaia. Iruñeko Arrotxapea auzoko egoitzatik Argentinara egin zuen bidaia Ortzadar Euskal Folklore elkarteak. Buenos Aires, Rosario, San Carlos de Bolivar eta Mendozako nafar etxeak bisitatu zituzten 2022ko abenduan, bi astez. 1995ean hasi ziren Ortzadarreko kideak Nafarroako Gobernuarekin elkarlanean Argentinako nafar etxeetan dantza eta musika ikastaroak eskaintzen.
Egun, musika, dantza, gastronomia, kultura oro har, eta beste hamaika gauza partekatzen dituzte Argentinako kideekin. Ortzadar taldeak egindako azken bidaian, esperientziak partekatu eta Euskal Herriko publikoari ere gerturatzeko ideia planteatu zuten. Hartara, Ortzadarreko dantzari, musikari eta ikusentzunezko adituen talde batek egin zuten bidaia, eta horren fruitua da Nafar Haziak dokumentala. Herrimina eta kulturen arteko elkartasuna nabarmendu dituzte Barberrek eta Zudairek.
Urriaren 19an estreinatuko dute Nafar Haziak Golem Baionan. Arratsaldeko 20:00etan eginen dute lehenengo emanaldia, eta bigarrena, urriaren 20an, ordu berean, gaztelaniaz.
