Espainiako Poliziak Boixos Nois, Bartzelonako ultra zaleak, atxilotzeko operazio bat jarri du martxan astearte honetan, lehen orduan. Boixos Nois taldeak Iturramako Ezpala taberna erasotu zuen joan den azaroan Iruñean. Erasoaren irudiak biralak egin ziren, beltzez jantzitakoko pertsona talde bat lokala txikitzen ari zela ikus zitekeen haietan. Gutxienez pertsona bat larri zauritu zen, sudur-trenkada eta masailezurrak hautsita. Agenteek erasoan parte hartu zuten 40 pertsonetatik hamabost bat atxilotzea aurreikusi dute. Horietako gehienak, hamar bat, Bartzelonako probintzian bizi dira, baina Valentzian eta Logroñon ere atxiloketak aurreikusten dira, besteak beste.Ekainaren 9an Boixos Nois taldeko, Casuals atalaren kontrako operazioaren ondorioz, Iruñeko gertakariak argitzeko pistak lortu ziren, poliziaren arabera.
Auzo erantzuna
Pasa den azaroko erasoak hautsak harrotu zituen Iturrama auzoan. Ezpala taberna, Osasunako zaleen topagune izateaz gain, auzoko gune euskaldun eta herrikoia ere badelako. Erasoa salatzeko ehunka bizilagun bildu zituen manifestazioa egin zen Iturraman.
