Izaera “herrikoiak” du pisu gehien eta herriko “elkarte guztiek badute haien tartea” adierazi du Ladis Satrustegi Lesakako alkateak. “Festa euskalduna, parte hartzailea eta herrikoia eramaten dugu lesakarrok” adierazi du alkateak. Iruindarrak ere “harrituta” gelditzen direla ziurtatu du Lesakara gerturatzean. Giro zalapartatsua atzeman da ere Satrustegiren telefonoaren bestaldean, “urteko egunik onenen hasieraren atarian”.
Ezpata dantzariak bihar aterako dira, uztailaren 7an, Zubigainekoa dantzatzera, hori baita festaren irudi “ikonikoenetako bat”. Sokatira taldeak jaurti du txupinazoa aurten.
