“Ez dakigu oraindik noiz izanen dugun terraza. Ez dugu data zehatzik. Aurrekaririk gabeko zerbaiten aurrean gaude, eta hartara, ezin jakin momentuz noiz izanen dugun zabaltzerik”, esan dute Labako kide Iker Tubiak eta Yasmine Khrisek.“Ez dakigu noiz gauzatuko duten Nafarroako Gobernuaren agindua. Espero dezagun lehen bailehen izatea”.
Tubiaren eta Khrisen aburuz, udala Laba elkartea eta hedaduraz euskara "gatazkarekin lotzen saiatu da, baina ahalegin horretan porrot egin du". Izan ere, "elkarteak berdin jarraitu du lanean bere proiektuekin, batez ere bazkideen sustenguarekin". Tubiaren arabera, "gurea negozio hutsa izan balitz itxita zegokeen, terrazarik gabe ez zukeen agunatatuko, baina ez da negozio hutsa, irabazi asmorik elkarte bat da, hiriaren bihotzean, euskaraz seguru, lasai mintzatzeko eta bizitzeko txoko bat zabaldu nahi duena, zabaltzen ari dena, eta orain, terrazarekin, are gehiago zabalduko duena".
“Ordenantza hartuz gero argi jartzen du, 13. artikuluan, kafea banatzeko lizentzia dutenek terraza jar dezaketela. Zentzugabea izan zen Udalaren jarrera”, esan du Tubiak.
