Burlatako Vulcanizados Felix mekanika tailerrean izan gara erreportajea egiten. Bertan, bulkanizatze lanak egiten dituzte. Bertako nagusia Felix De Miguel da. 44 urte daramatza lanbide honetan. Bere lantoki estuan izan gara. Tresna mekanikoen eta autoen artean elkarrizketa egin diogu. Gurpilak eta pneumatikoak konpontzen eta saltzen aritzen da. Horrekin batera, txalupak eta neoprenoak zaintzen ditu. Autoen moldaketa eta txukuntze lanez arduratzen da. Lasai bizi da. Lanari neurria hartuta. Tailerrean dituen tarte libreetan bateriaren baketak astintzen ditu. Musika asko maite du. Irratia ere. Euskalerria Irratia egun osoan zehar piztuta dauka.