Soldata arrakala aztertzeko hainbat hitzarmenen arteko alderaketa egin du LABek, kategoria bereko lan maskulinizatuak eta feminizatuak aztertuz. Sindikatuak ebatzi du erakundeek emandako datu ofizial eta publikoek ez dutela errealitatea erakusten.
"Sektore maskulinizatuetako soldatak feminizatuetakoak baino %90 handiagoak izatera irits daitezke". Adibide zehatz bat eman du Eli Etxeberria sindikatuko idazkaritza feministako kideak: Nafarroako metaleko langile batek helduen egoitzako langile batek baino %56,40 gehiago kobratzen du. “Hau gertatzen da sexuen araberako lan banaketa bat dagoelako. Zeinetan emakumeen lanak debaluatuta dauden”, adierazi du.
Egoera honek eraldatu nahi du sindikatuak. Hiru norabide azpimarratu ditu Etxeberriak: lan banaketa apurtzea, zaintzaileen zor patriarkala ordaintzea eta erakundeek konpromisoak hartzea.
Hamarnaka herritarrek egin dute gaur protesta aldarrikapen horiek bere eginez, Nafarroako Parlamentuaren atarian.
