Haien esanetan, familia medikuen zahartzea gertatu da. Asko dira azken urteotan erretiroa hartu dutenak, eta asko hurrengo urteetan erretiratuko direnak. Pentsatzekoa denez, erreleborik ez bada, mediku falta sortuko da. Hauek ordezkatzeko medikuak behar dira, eta profesional gazteek ez dute Lehen Arretan lan egin nahi. Familia medikua izatea ez da erakargarria mediku berrientzat. Lan karga handia dute, azpiegitura gutxi eta pazienteen ratio handia. Plangintza orokor baten beharra nabarmendu dute, epe ertain batean egoerak onera egin dezan.