Urtebete igaro da Navarra Sumaren udal Gobernuak. Hasieratik eragin zuen auzotarren kontrako jarrera erabakiak, eremu urdinak auzoan dituzten aparkatzeko arazoak konponduko ez zituelakoan. Denborak aurreikuspenak berretsi dituela azaldu du Iruñerria Goizetik albistegian Birjine Albira Txantrea auzo ekimeneko kideak.
Javier Labairu hirigintza zinegotziaren jarrera gaitzetsi dute auzotarrek; bilera bat agindu bai, baina oraindik ez baitute egin. “Esan zigun urtebetera auzora jaitsiko zela eta eskerrak emanen genizkiola. Oraindik ez dugu hemendik ikusi”, zehaztu du Albirak.
Azkenaldian udalarekin harremanetan jartzen izan dira, eta barrura begira egin dute lana. Hala ere, kalean egoteko beharra azpimarratu du Albirak. Auziak konpondu gabe jarraitzen duela gogorarazi nahi dute.
