Sinopsia (Iruñeko Udala): 2000. urtean erosi zuen Mikelek bigarren eskuko pianoa eta 17 urte beranduago ireki zion lehenengoz tapa. Apatiatik maitemintzerainoko jauzia eman zuen. Tapa altxatuta, mugimendu txiki horrek ekarri dio mundu berri bat, musika sentitzeko eta agertzeko era berri bat.
Urdangarin, lehenengoz bakarka pianoa eta ahotsaren laguntzaz. Inoiz erakutsi ez digun talaiatik, bere errepertorioko aukeraketa bat aurkeztuko du kantari zornotzarrak, azken bi urteetan ondutako bertsio eta sorkuntza berri zenbaiti uko egin gabe.
Erraldoien txokoan izanen da ostegun honetan arratsaldeko 20.00etatik aurrera. Doako gonbidapena 19.00etatik aurrera hartu beharko da han bertan.
