Euskararen erabilpena modu dibertigarrian eta familia artean sustatzeko Parkean Euskaraz ekimena itzuliko da datorren hiruhilekoan. 2-6 urte arteko haurrak dituzten familia euskaldun edo ia euskaldunek aukera izango dute aisialdian euskaraz funtzionatuko duen talde bat sortzeko.
Dindaia fundazioak astean egun batez antolatuko ditu euskarazko tailer eta jolasetan aritzeko ariketak. Familiek parte hartzeko da egitasmo hau eta beraz, haur bakoitzeko guraso euskaldun edo ia euskaldun batek parte hartu beharko du. Izen emateko epea bihar amaituko da. Dindaiaren atarian dago egiteko aukera.
