Iruñeko Ekomerkatua 2020ko martxoko lehen larunbatean egin zuten lehen aldiz. CPAEN/NNPEKek martxan jarri zuen azoka "Nafarroako nekazaritza ekologikoaren ekoizpena jendeari ezagutarazteko asmoz, eta ez soilik erosteko, baizik eta elikagai ekologikoak, osasungarriak, iraunkorrak eta sasoikoak landatzen eta egiten denbora ematen duten pertsonak bertatik bertara ezagutzeko ere". Orain dagoeneko azoka "erreferentzia da dagoeneko", eta hilero geroz eta ohiko "bezero fidel" gehiago hurbiltzen dira. Nekazaritza ekologikoaren kontseilutik nabarmendu dute Ekomerkatua ezinezkoa litzatekela "ekoizle konprometituen" ekarpenik gabe.
Bigarren urteurren ospatzeko, zenbait berrikuntza antolatu dituzte. Martxoko edizioan ekoizle berri bat gehituko zaie, Munarrizeko (Goñi bailara) patata eta lekale ekologikoak ekoizten dituen Javier Anotzibar. Txitxirioak eskainiko ditu. Zitrikoen denboraldiaren azken txanpan izanik ez da faltako Valentziako zitriko ekoizlea laranjak, madarinak eta limoiak eskaintzeko. Nafarroako Ekonomia Sozial eta Alternatiboaren kideak era izango dira etzi Ekomekartuan, apirilaren 8an eta 9an antolatuko duten ekonomia sozial eta solidarioaren azoka iragartzeko.
Honekin batera, NNPEKek iragarri du bigarren urteurrena ospatzeko "EKOvermut bat egingo da 12: 00etatik 14: 00etara, Geltokik dinamizatuta, EKOmerkatuko osagaiekin egindako musika eta pintxo ekologikoekin".