Azkenaldian Euskal Herrian hainbat mugimendu herritar osatu dira lurraren defentsan. Sarritan, ingurumenaren defentsa eta hirigintza proiektuei lotutako interesak ez datozelako bat. Hartara, Berria egunkariak mahai-inguru bat antolatu du Iruñean, Nafarroako Antzerki Eskolan, Kinka podcastaren baitan, “mugimendu horien borrokak gertutik ezagutzeko. Arratsaldeko 19:00etan izango da hitzordua.
Baztango Aroztegiaren auzian, talde kriminal antolatu bateko kide izatea leporatu diete proiektuaren aurkako kanpaldi batean parte hartu zuten zazpi herritarri. Gorka Laurnaga mintzatuko da auzi honen inguruan.
Bizkaian, Urdaibaiko Guggenheim museoaren aurkako mugimendua da eredu. Erakunde publikoek entzute prozesu bat abiarazi dute herritarren iritziak biltzeko, baina proiektuaren aurkako taldeak zuhur agertu dira. Guggenheim Urdaibai Stop plataformako Eider Gotxik hitz egingo du horren inguruan.
Mahai gainean jarriko duten hirugarren auzia Kanboko Marieneko lurrak izango dira. Ostia espekulazioaren kontrako taldeko lau kide auzipetu Baionan. Zehazki, Bouygues obralariak Kanboko Marieneko lurretan duen etxebizitza xedea salatzeko ekintza sinboliko batengatik. Zenbait elkartek laborantzarako prestatu dute lurra, eskatzeko eremua nekazaritzarako erabil dadila eta etxebizitzarik ez dadila eraiki. Joana Detxart Ostia Sareko ordezkariak hartuko du hitza solasaldian.
Nagore Arin Berriako kazetaria eta ikus-entzunezkoen taldeko arduraduna arituko da solasaldian gidari, ekainaren 5ean, Nafarroako Antzerki eskolan, 19:00etan. Izena eman hemen.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!