Poesia eta musika uztartuko dituzte Iñigo Astizek eta Iñaki Larraiozek, Laban

19:30ean izanen da Isurialdeak errezitaldi musikatua, Gazteluko Plazako bigarrenean, Laba gunean.

Poesia eta musika uztartuko dituzte gaur Laba elkartean, Laba gunean, Iñigo Astiz poetak eta Iñaki Larraioz Larra musikariak. Isurialdeak deitu dute ikuskizuna."Ia argitaratu gabe, ia entsegu gabe, ia soinu probarik egin gabe" joanen direla aitortu du Iñigo Astizek. 

Olerkiak idazten ditu , beti gai bat motor duela. Azkenaldi luze honetan historiari buruzkoak idazten ari da, eta horiek isuriko ditu Laban. Ondoan Larra izanen du. Haren abestiak eskainiko ditu musikagile ultzamarrak, baita sorpresa bat edo beste ere.