Aritz Romeo Metropoli Forala saioan izan dugu gaur goizean. Romeoren eta Arbaizaren gogoetaren abiapuntua, Nafarroako pobrezia eta desberdintasun sozialei buruzko 5. txostena. Salatu dutenez, agiri hori jorratzeko tenorean, hedabide gehienek honako titular hau, edo antzeko bat, ibil dute: “Nafarroan biztanlegoaren %9,9 dago pobrezia arriskuan, eta tasa hori erkidego guztien artean baxuena da, Euskal Autonomia Erkidegoaren gibeletik”. Romeok azaldu duenez, titular horrek Sanduzelaikoa bezalako errealitate gordin asko ezkutatzen ditu. Nabarmendu duenez, alde handia dago auzo batzuen eta besteen artean, eta alde hori ez da kasualitatea, kausalitate bat dago horren gibelean: azken 40 urteotako politika publikoak hain zuzen ere.