Garbiñe Bueno (EH Bildu): "Maiak aurrekontuak onartzea ekidin dugu"

Lohizune Amatria Zabalza 2021ko abe. 30a, 12:22

Iruñeko Udaleko azken osoko bilkuran, aurrekontuen eztabaida hasi baino lehenago, hartu du zinegotzi kargua EH Bilduko Garbiñe Buenok. Joxe Abaurrea ordezkatuko du, legegintzaldi amaierara arte.

Aurreko astera arte zalantzaz beteta izan da aurrekontuen inguruko eztabaida, EH Bilduk zinegotzi bat gutxiago izateko arriskua zuen, Joxe Abaurreak zinegotzi kargua utzi ondoren. Enrique Maia alkateak argi adierazi zuen, berdinketa egonez gero haren kalitatezko botoa erabiliko zuela aurrekontuak aurrera ateratzeko, eta oposizioko talde guztien haserrea piztu zuen horrek. 

Azkenean garaiz hartu du kargua EH Bilduko Garbiñe Bueno zinegotziak. Hori izan da gaurko osoko bilkurako lehenengo puntua. Zinegotzi guztiak izanda aldeko 13 boto eta kontrako 14 izan ditu Navarra Sumaren proiektuak, eta hala aurreko urteko kontuak luzatu dituzte, eskuineko hiruak PSNrekin onartutakoak. Aurrerantzean adostasunak lortzeko lan eginen dutela adierazi du Buenok.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!