Iruñeko Udalak, Navarra Suma udal taldeak, Sarasate pasealekuko erreformaren lizitazioa eten du, hilabete batez. Ez du taldeen babesik, eta hori lortzeko epea hartu nahi du. Udal gehiengoak iritzia eman duela ohartarazi du EH Bilduko eledun Joseba Asironek Iruñerrian Gaur albistegian: "Oposizioak gogoeta eskatu du".
Udal gehiengoak irailaren 8ko Osoko Bilkuran Gobernu Taldeak aurkeztutako proiektua atzera bota zuen. Navarra Sumak ezinbestean geldiarazi behar izan du: horretara behartu dute, EH Bilduko Joseba Asironen iritziz.
Lehiaketara aurkeztutako hiru proposamen arteko proiektua da Enrique Maiak garatu nahi duena, eta EH Bilduko eledunak kritikatu du merkatarien eta bizilagunen iritzirik gabe egin duela. Iruñeko Udalak 2008tik lizitatu duen obrarik handiena da, 10 milioi eurokoa.
Lizitazioa bertan behera geratu ondoren, proiektua Hirigintza Batzordean aztertuko dute gaur, asteazkena, aurreikusitako lanei ekiteko akordio bat bilatzeko asmoz. PSNren babesa bilatuko du eskuineko hirukoak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!